جيب التاجر, اطباق رمضانيه 2014,اطباق رمضانية

السلام عليكم ورحمة الله وبركاته

هالمره جيب التاجر مو مثل العاده .

جيب التاجر بالتوست ، سهل ولذيذ ، ويواجه في البوفيه وشكله مرتب واعتقد الكل راح يحبه ويشتهي شكله قبل طعمه .

على فكره المكونات تقريبا نفسها المستخدمه بالتوست رول حتى النكهه متقاربه كثير بس جيب التاجر اشوف انه الذ لان الحشوه تضاف بعدين .

نبدأ بالمخاسير( المقادير) :

كيس توست ودائما احب توست هرفي .

بيض و بقسماط لتغليف التوست

صدرين دجاج مسحب

بصله متوسطه

نص حبة فلفل رومي

قليل من الفلفل الأسود و الملح .

صويا صوص حسب الذوق .

فص ثوم مهروس

ملعقة جبنه سائله

ملعقة مايونيز

ملعقة قشطه

خس ( يفضل لو يكون خس فرنسي .. بس للأسف كان مخلص عندي)

ملاحظه ( ممكن الاكتفاء بالمايونيز من دون جبن وقشطه وتقدرين تحطين المقدار اللي تحبينه )

الطريقه :

ناخذ شريحتين توست ونحطهم فوق بعض

ونفردهم بالنشابه

نجيب كاس او قطاعه دائريه ونضغط فيه على التوست عشان نقصه ( يفضل لو يكون قُطر الكوب كبير عشان تطلع معك الحبه كبيره )

نخلص كل الكميه وتقريبا راح يطلع معنا حول 11 او 12 حبه .

جيب التاجر, اطباق رمضانيه 2014,اطباق رمضانية Shamoa-42efdc9eff

الحين نغمس قطع التوست بالبيض ونشيلها بسرعه عشان ماتشرب بيض كثير ( عاد تعرفون التوست مليان مسامات يشرب بسرعه)

وعلى طول نغطيه بالبقسماط

ثم تقلى بزيت غزير وراح تلاحظينها تنتفخ اثناء القلي . اقليها لين تحسينها صارت ذهبيه .

شيليها من عالنار وحطيها بورق نشاف ، على فكره كثير يقولون التوست يشرب بالعكس هالطبخه والتوست رول محد يصدق انها مقليه شكلها مبين ناشف وكأنها مخبوزه بالفرن ، السالفه ومافيها يعتمد على مهارتك بتسقيطها بالبيض وتغطيتها بالبقسماط وايضا على القلي ، يعني إذا قليتي بنار هاديه راح تشرب زيت ، وإذا قليتي بنار عاليه بتصير بنيه وشينه .

جيب التاجر, اطباق رمضانيه 2014,اطباق رمضانية Shamoa-5b89ca2789

راح نبدأ بتحضير الحشوه .

نقلي البصل حتى يذبل ثم نضيف الثوم .

وبعده الفلفل الرومي .

ونخليه يذبل شوي ونضيف الدجاج والفلفل الأسود وقليل من الملح .

نقلب لين ينضج وينشف ماه ثم نضيف الصويا صوص

ونشيله من على النار

ونحط الجبن و المايونيز و القشطه

ونخلط

الحين نبدأ بالحشو

قصي اقراص التوست بالنص

واحشيه بالخس والحشوه اللي صلحناه ، او أي حشوه تحبين . وقدميها . و أتحدى ان بقى قطعه منها.

ملاحظه :

بنات أتمنى بقايا التوست تستغلونها , لا ترمونها حرام نعمه ... ممكن تصنعون منها الكثير , بقسماط , والكثير من الوصفات إللي تعتمد عالتوست ..
وبالعافيه عليكم ,
من ايدين

ربي يحرم ايدينها ع النار
بحفظ الله

» افتراضي روبير أبي نادر 2014 - فساتين 2014
» فساتين زفاف 2014 - فساتين دانتيل 2014
» فساتين زواج 2014
» نظارات شمس للشباب 2014
» فساتين فرح تركي ناعمة 2014